Qazaqstannyń Túrkiiadaǵy qurmetti konsýly Halil Ýlýer jol apatynan qaza tapty.
Bul jaiynda Qazaqstannyń Túrkiiadaǵy tótenshe jáne ókiletti elshisi Abzal Saparbekuly Facebook paraqshasynda málim etti.
«Qymbatty dostar, jeke óz januiam jáne Qazaqstannyń Túrkiiadaǵy Elshiligi úshin aýyr sýyt habarmen bóliskeli otyrmyn. Túrkiianyń Nevshehir provintsiiasynda 2009 jyldan beri elimizdiń Qurmetti Konsýly bolyp kele jatqan tamasha, aqkóńil azamat, adal dos, túriktiń belgili isker adamy Halil Ýlýer myrzanyń búgin keshki ýaqytta jol apatynan qaza tapqanyn tereń kúizelispen bildim. Halil Ýlýer - tek óz eliniń emes, qazaq halqynyń naǵyz janashyr dosy edi. Qazaqstannyń kók týyn túrik jurtynda árdaiym jelbiretip, Qazaqstan úshin maqtan tutatyn birtýar azamat edi. Pandemiia kezinde osyndaǵy stýdentterge qol úshin aiamai kómektesip júrgen bolatyn. Qazaqstanǵa pandemiia kezinde gýmanitarlyq kómek joldap, qol ushyn bergenderdiń aldyńǵy shebinde edi. Elimizge investitsiia tartý úshin kúndiz-túni birge kezdesýler ótkizip, kelissóz júrgizdi. Átteń, taǵdyr ony bizge qimady. Qasietti Oraza aiynda Alla taǵala keshirimi men meirimin jazsyn» dep jazdy Abzal Saparbekuly.
