Óńirlerdegi epidemiologiialyq jaǵdaidy baǵalaýdyń matritsasy jariialandy. Koronavirýstyń taralýy boiynsha "qyzyl" aimaqqa Batys Qazaqstan oblysy qaita kirdi, dep habarlaidy "Ult aqparat".
18 naýryzda bul óńir qaýipti aimaqtan shyqqan edi, alaida ótken táýlikte oblysta virýs juqtyrǵan 81 naýqas tirkeldi.
19 naýryzdaǵy jaǵdai boiynsha "qyzyl" aimaqta Nur-Sultan, Almaty qalalary men Batys Qazaqstan oblysy.
"Sary" aimaqta: Aqmola, Almaty, Atyraý jáne Qaraǵandy oblystary.
Qalǵan óńirler "jasyl" aimaqta ornalasqan.
Densaýlyq saqtaý ministrliginiń málimetinshe, ótken táýlikte Qazaqstanda 1264 adamda PTR-test oń nátije kórsetti. Naýqastardyń deni Almaty, Nur-Sultan qalalary men Qaraǵandy oblysynda anyqtaldy.
17 naýryzda respýblikada 1 186 naýqas tirkelgen edi.
