Qazaqstannyń sanitariialyq- epidemiologiialyq baqylaý komitetiniń resmi ókil Erjan Baitanaev el turǵyndaryn aldaǵy merekelik is-sharalardy onlain formatta ótkizýdi usyndy.
Bul týraly QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalynda habarlandy.
«Qurmetti qazaqstandyqtar!
Merekelik kúnderdiń jaqyndaǵanyn eskere otyryp, aldaǵy demalys kúnderin shaǵyn otbasylyq ortada ótkizýdi, adamdarmen tikelei bailanystardy azaitýdy, halyq kóp shoǵyrlanatyn is-sharalardy uiymdastyrmaýdy jáne olarǵa qatyspaýǵa shaqyramyn.
Barshańyzǵa belgili, elimizde epidemiologiialyq ahýal turaqsyz. Álem elderinde virýstyń taralýy sharyqtaý shegine jetip, pandemiia qurbandarynyń sany kún sanap artyp keledi. Meditsina ǵalymdary da COVID-19 virýsynyń mýtatsiialanǵan jańa shtamdarynyń juǵý qarqyny eki ese jyldam ekendigin jáne aýrýdyń aýyr ótetindigine áser etedi dabyl qaǵýda. Al adam kóp shoǵyrlanǵan ortada infektsiiany juqtyrý qaýpi eselep artady. Sondyqtan biz barlyq merekelik is-sharalardy onlain formatta nemese ózińizdiń otbasyńyzben úiińizde ótkizýdi usynamyz», - deidi resmi ókil.
Sondai-aq ol koronavirýstyń jappai taralýyn aýyzdyqtaýdyń utymdy joly bul saqtyq sharalaryn qatań saqtaý jáne vaktsinalaný ekendigine nazar aýdarady. Qazir óńirlerdiń basym kópshilgi «qyzyl» aimaqta. Soǵan qarai oiyn-saýyq, saltanatty is-sharalardy uiymdastyrýǵa qatań tyiym salynǵan. Degenmen erejege enjarlyq tanytyp, karantin talaptaryn buzýshylar áli de azaimai otyr.
«Qurmetti qazaqstandyqtar! Saqtyq sharalaryna salǵyrttyq tanytpaýǵa shaqyramyn. Bul jarqyn merekeni eń jaqyn adamdarmen bólisińiz, ózińizge qamqorlyq jasańyz jáne úide bolyńyz!», - deidi sanitariialyq- epidemiologiialyq baqylaý komitetiniń ókili.
