27 qarashada «Qoǵam jáne memleket: «Birgemiz» seriktestik pen damýdyń 30 jyly» atty IX Azamattyq forýmy plenarlyq sessiiasy ótti.
Plenarlyq sessiianyń ashylýynda QR Memlekettik hatshysy Qyrymbek Kósherbaev memleket azamattyq qoǵamnyń turaqtylyǵyn arttyrýǵa járdemdese beretinin atap ótti.
"Biz Qazaqstan azamattary emin-erkin qaýymdastyqtarǵa birige alýyna jan-jaqty qoldaý kórsete beretin bolamyz jáne muny negiz qalaýshy konstitýtsiialyq quqyǵy retinde qarastyramyz. Ol Qazaqstannyń saiasi jańǵyrýynyń jáne ilgeri qaryshtaityn qoǵamdyq progresiniń mańyzdy sharty sanalady. Sondyqtan biz búginnen-aq zańnamamyzdy ózgertip, qoǵamdyq keńesterdiń, azamattyq qoǵamdyq baqylaýdyń, eriktilerdiń qyzmetin kúsheitýge baǵyttalǵan jańa zań jobalaryn ázirleimiz", – dedi Q.Kósherbaev.
Sonymen qatar, otyrys barysynda Aqparat jáne qoǵamdyq damý ministri Aida Balaeva, óńirlik azamattyq sektor ókilderi, saiasattanýshy Aidos Sarym, Almaty qalasy Qoǵamdyq keńesiniń hatshysy Altynai Kóbeeva, «Atyraý. Kishkentai el» balalardy ońaltý ortalyǵynyń jetekshisi Erlan Kúmisqaliev, «Bereke» QB tóraiymy Roza Abdýllaeva, Nege.kz qazaq tildi portalynyń direktory Aleksandr Danilov sóz sóiledi.
Forým el prezidenti Qasym-Jomart Kemeluly Toqaevtyń Joldaýynyń ideialyq mazmunyna súienedi, onda azamattyq sektordy damytý men órkendeýdiń, olardyń memleketke degen senimin arttyrýdyń mańyzdylyǵy ataldy.
Aida Balaevanyń aitýynsha, forým keri bailanystyń alýan túrli tetikteri qoldanylǵan shynaiy dialogqa ainaldy. 40-tan astam túrli formattaǵy onlain suqbat alańdary uiymdastyryldy.
Forýmnyń onlain alańdaryna 20 000-nan astam adam qatysty, talqylaýǵa 1500-den astam ÚEU belsendi ókilderi atsalysty.
Ortalyq memlekettik organdardyń 12 basshysynyń salalyq kezdesýleri ótkizildi, onda ÚEU ókilderi "erkin mikrofon" formatynda ózderin tolǵandyratyn suraqtarǵa jaýap aldy.
IX Azamattyq forýmnyń qorytyndysy boiynsha azamattyq qoǵam ókilderinen 650-den astam usynystar men usynymdar kelip tústi. Onyń ishinde respýblikalyq forýmnyń qorytyndysy boiynsha – 500-den astam usynym, 17 óńirlik forýmnyń qorytyndysy boiynsha-150 usynys qabyldandy.
Esterińizge sala keteiik, Azamattyq forým - QR Aqparat jáne qoǵamdyq damý ministrliginiń qoldaýymen 2003 jyldan beri árbir eki jyl saiyn uiymdastyrylatyn dástúrli alań. Qatysýshylardyń qaýipsizdigi maqsatynda Azamattyq forým onlain rejimge kóshirildi, al delegattarǵa yńǵaily bolý úshin mazmundy baǵdarlama bes kún boiy jalǵasty.
