Qazaqstan Respýblikasynyń Ekologiia, geologiia jáne tabiǵi resýrstar ministri Maǵzum Myrzaǵaliev Birikken Ulttar uiymynyń Niý-Iork qalasynda ótken bioalýantúrlilik týraly sammitinde sóz sóiledi.
«Turaqty damý maqsatyndaǵy bioalýantúrlilikti saqtaýǵa baǵyttalǵan shuǵyl sharalar» dep atalǵan jiyn BUU Bas hatshysy Antoniý Gýterreshtiń basshylyǵymen ótti, dep habarlaidy ECO NEWS kanaly.
Jiynda birqatar memleket basshylary, Úkimet basshylary men músheleri málimdeme jasady.
Maǵzum Myrzaǵaliev teńizge tikelei shyǵa almaityn damýshy elder atynan sóiledi. Óz úndeýinde ol koronavirýs pandemiiasy adamzat balasy men tabiǵat arasyndaǵy tyǵyz bailanystyń mańyzdy ekenin taǵy bir eske saldy.
«Halyqtyń ómirin qamtamasyz etý úshin teńizge tikelei shyǵa almaityn elder toby bioalýantúrlilikke qatysty sharalardy qabyldaýdy tezdetýge shaqyrady. Biz jahandyq negizdemelik baǵdarlamaǵa qatysty 2020 jyldan keiingi kezeńge arnalǵan sharalardyń joǵary dárejede qabyldanýynyń mańyzdylyǵyn jetkizgimiz keledi. Negizdemelik baǵdarlama teńizge tikelei shyǵa almaityn elderdiń bioalýantúrlilik salasyndaǵy qajettilikterin óteýi tiis», - dedi ministr Sammittegi sózinde.
M.Myrzaǵaliev bioalýantúrlilikti saqtaý Qazaqstannyń eń mańyzdy ulttyq múddeleriniń biri ekenin aitty.
«Bizdiń elimiz bioalýantúrlilikti saqtaý jónindegi Konventsiianyń jaqtaýshysy. Aldaǵy qadamymyz – 2030 jylǵa deiingi biologiialyq alýantúrlilikti saqtaý jáne turaqty qoldaný Kontseptsiiasyn qabyldaý. Qazaqstan Úkimeti turaqty damý maqsattaryn júzege asyrý úshin orman qoryn qorǵaý jáne jańǵyrtý jumystaryn júrgizýde. Erekshe qorǵalatyn aýmaqtar keńeiip jatyr. Janýarlardyń migratsiiasy úshin ekologiialyq dálizder jasalýda», - dedi ol.
Sonymen birge M.Myrzaǵaliev qazir Memleket basshysy Qasym-Jomar Toqaevtyń tapsyrmasymen ekologiialyq ahýaldy jaqsartý úshin orman qorynda 2 mlrd, eldi-mekenderde 15 mln aǵash otyrǵyzylatynyn jetkizdi.
Aita keteiik, BUU-nyń bul sammitinde adamzat bioalýantúrlilik degradatsiiasy áserinen bastan keship jatqan daǵdarys talqylandy. Memleketter kóshbasshylary men ókilderi 2020 jyldan keiingi kezeńde bioalýantúrlilikti saqtaý boiynsha jasalatyn jahandyq baǵdarlamaǵa qatysty pikirlerin bildirdi. Atalǵan baǵdarlama 2021 jyly ótetin bioalýantúrlilik týraly taraptar Konventsiiasynyń 15-shi Konferentsiiasynda qabyldanady.
Onlain rejimde ótip jatqan sammitti http://webtv.un.org siltemesi boiynsha kórýge bolady.
