Búgin Qazaqstannyń eki tikushaǵy Túrkiianyń ońtústik-batysynda orman órtterin sóndirýge kiristi, dep habarlaidy "Ult aqparat".
Áýe kemeleri men kásibi daiyndalǵan ekipaj jalpy 45 tsikldan turatyn 180 tonna sýdy órt oshaqtaryna tastady. Qazaqstan borttary áýede 10 saǵattan astam ýaqyt ushyp ótti. Bul týraly QR TJM resmi ókili Talǵat Ýáli málimdedi.
Qazaqstannyń áýe kemeleri Dalaman qalasynyń irgeles aýmaǵynyń otpen baqylanbaityn ýchaskesinde shoǵyrlanǵan. Órt sóndirý jumystary jalǵasýda jáne erteń tań ata qaita bastalady.
Esterińizge sala keteiik, Qazaqstan Prezidenti Qasym-Jomart Toqaevtyń tapsyrmasy boiynsha túrik halqyna baýyrlastyq jáne gýmanitarlyq kómek kórsetý aiasynda QR TJM kúshteri jiberildi.
«11 tamyzda Qazaqstan Respýblikasy Tótenshe jaǵdailar ministrliginiń quramynda 16 qutqarýshy jáne Qazaqstanda qurastyrylǵan Mi-8AMT 2 tikushaǵymen aýa raiynyń qolaisyzdyǵyna qaramastan, Kaspii teńizinen jáne Kavkaz taýlarynan ushyp ótip, Dalaman qalasynda orman órtterin sóndirý boiynsha qutqarý jumystaryna kiristi», - delingen habarlamada.
