2015 jyldan beri Qazaqstannyń Eýraziialyq ekonomikalyq odaq elderine eksporty 25%-ǵa ósti. Bul týraly Saýda jáne integratsiia vitse-ministri Janel Kýshýkova aityp berdi, dep habarlaidy QazAqparat.
«2015-2020 jyldary EAEO-ǵa múshe memleketterge eksport 25%-ǵa nemese 5,1-den den 6,4 mlrd dollarǵa deiin ósti. Onyń ishinde Reseige – 25%-ǵa, Belarýske – 2 ese, Qyrǵyzstanǵa – 20%-ǵa, Armeniiaǵa – 6 ese ósim bar», - dedi vitse-ministr Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, eksporttyq taýarlardyń assortimenti de ózgergen jáne keńeitilgen.
«Táýelsizdik alǵan alǵashqy jyldary bizdiń eksportta dástúrli túrde shikizat taýarlary bolsa, qazir eksportymyzdyń 58 paiyzyn óńdelgen ónimder quraidy. Al EAEO elderine 2015-2020 jyldary shikizattyq emes taýarlar eksporty 35%-ǵa (2,8-den 3,7 mlrd AQSh dollaryna) ósken. Mysaly 2020 jyly reseilik saýda jelilerine 2,3 mlrd AQSh dollaryna jemis-kókónis ónimderi jetkizilgen. Bir ǵana Resei naryǵyna jyl saiyn azyq-túlik ónimderin jetkizýdi arttyrý áleýeti 100 mlrd teńgeden asady», - dedi J. Kýshýkova.
Saýda ministrliginiń málimetinshe, jalpy qazaqstandyq eksporttyń shamamen 10%-y EAEO-ǵa múshe memleketterge jiberiledi.
