Ázerbaijan astanasy Baký qalasynda álemdik din liderleriniń sammiti ótip jatyr. Ekinshi ret uiymdastyrylǵan halyqaralyq jiynǵa Qazaqstan musylmandary dini basqarmasynyń tóraǵasy, Bas múfti Serikbai qajy Oraz bastaǵan delegatsiia qatysýda, – dep habarlaidy «Ult aqparat».
Qazaqstan musylmandary dini basqarmasynyń baspasóz qyzmeti taratqan aqparatqa sáikes, Ázerbaijan prezidenti Ilham Áliev ashqan sammitte jahandyq álemde mádenietaralyq dialogty nyǵaitý, din liderleri terrorizmge, agressiiaǵa, islamofobiiaǵa qarsy, áiel, bala, jastar quqyǵyn qorǵaý, álemdik dini tatýlyqty nyǵaitýda din qairatkerleriniń róli syndy taqyryp boiynsha máseleler talqylanýda.
«Bas múfti Serikbai qajy Satybaldyuly sapar aiasynda Kavkaz musylmandary dini basqarmasynyń tóraǵasy, sheih Allashúkir Pashazademen, Túrkiia din isteri basqarmasynyń tóraǵasy Áli Erbashpen, Resei Federatsiiasy musylmandary dini basqarmasynyń tóraǵasy, sheih Ravil Ǵainýtdinmen, Resei Ortalyq musylmandary dini basqarmasynyń tóraǵasy Talǵat Tájýitdinmen, Ózbekstan múftii Osmanhan Álimovpen, Qyrǵyzstan múftii Maqsatbek qajy Toqtomýshovpen kezdesip, ekijaqty yntymaqtastyq, ózara kelisim, ortaq maqsattardy júzege asyrý týraly pikir almasty» dep atap ótedi basqarmadan.
Aita keteiik, Bakýdegi halyqaralyq sammitke álemniń 70 elinen kelgen din liderleri, halyqaralyq uiymdardyń jetekshileri men ókilderi qatysýda. Sammit sońynda Baký deklaratsiiasy qabyldanbaq.
