Qazaqstannyń barlyq meditsina uiymyna túgendeý júrgiziledi. Bul týraly búgin QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«2021 jylǵy 26 qańtarda ótken Úkimettiń keńeitilgen otyrysynda Memleket basshysy bergen tapsyrmalardy júzege asyrý aiasynda meditsinalyq uiymdardyń materialdyq-tehnikalyq bazasyna baǵalaý júrgizýdi jáne bosandyrý, reanimatsiia qyzmetterin jańǵyrtý josparlanyp otyr», - dedi Aleksei Tsoi ministrliktiń keńeitilgen alqa otyrysynda.
Onyń aitýynsha, bul maqsattarǵa qol jetkizý úshin qysqa merzim ishinde densaýlyq saqtaý salasynyń barlyq meditsinalyq uiymyna túgendeý júrgizilip, bosandyrý jáne reanimatsiia qyzmetteriniń materialdyq-tehnikalyq bazasy nyǵaitylatyn bolady.
«Aýylda meditsinalyq kómektiń qoljetimdiligin qamtamasyz etý úshinjumys istep turǵan 13 aýdanaralyq aýrýhanaǵa qosymsha taǵy 25-ke deiin aýdanaralyq aýrýhana ashylady. Sol arqyly «altyn saǵat» ustanymyn saqtaý qamtamasyz etilip, halyqqa kórsetilgen meditsinalyq qyzmet sanynyń mýltiplikatsiialyq áseri bolady. Qorytydysynda qyzmet alatyn halyqtyń boljamdy sany 2,5 mln adamnan 5,2 mln adamǵa deiin artady», - dedi ministr.
