Alaý estafetasyna qatysatyn Qazaqstannyń barlyq 16 qalasy Ýniversiada alaýyn kóterý qurmetine laiyqty tulǵalardyń esimin anyqtady. Myń alaý kóterýshiniń 70%-yn ǵylym, mádeniet jáne sport salasynda jetistikterge jetken 17-28 jas aralyǵyndaǵy stýdentter qurap otyr.
Sondai-aq, sport pen qoǵamdyq ómirde eńbek sińirip júrgen Qazaqstannyń eń belsendi azamattary da alaý kóterýshi qurmetine ie boldy. Olardyń qatarynda grek-rim kúresiniń 1980 jylǵy olimpiada chempiony Jaqsylyq Úshkempirov, bokstan 2000 jylǵy olimpiada chempiony Ibraiymov Ermahan, 1988 jylǵy Olimpiada oiyndarynyń kúmis júldegeri, Qazaqstan Respýblikasynyń eńbek sińirgen bapkeri Dáýlet Turlyhanov, bokstan eki dúrkin álem chempiony Nazym Qyzaibai, júzýden 2016 jylǵy olimpiada chempiony Dmitrii Balandin, Ábý-Dabide ótken djiý-djitsýdan álem chempiony Móldir Mekenbaeva, sondai-aq, túrli jyldary Qazaqstanǵa jeńisterdi syilaǵan taǵy da basqa kóptegen sportshylar bar.
Esterińizge salyp ótelik, alaý kóterýshilerdi irikteý úsh kezeńnen turdy. Irikteýdiń birinshi kezeńi 1 qyrkúiek kúni bastalyp, respýblikamyzdyń barlyq joǵarǵy oqý oryndaryn qamtydy. Ýniversitetter ishki baiqaý qorytyndysy boiynsha óz ótinimderin qalyptastyrdy. Ekinshi kezeńde irikteý barysyna oblystyq ortalyqtarda Estafetany ótkizýmen ainalysatyn aimaqtyq shtabtar qosyldy. Shtabtardyń mindeti alaý kóterýshilerdi irikteý barysyn baqylap, baiqaý kezinde shynymen de mańyzdy ári tartymdy úmitkerlerdi ótkizip almaýǵa baǵyttaldy. Sondai-aq, ekinshi kezeńde aldyńǵy Ýniversiadalardyń jeńimpazdarynan, sport, ǵylym jáne mádeniet salasyndaǵy juldyzdardan quralǵan qatysýshylar anyqtaldy.
Irikteýdiń úshinshi kezeńinde qalaǵan adam www.torchrelay.kz saitynda ótinim toltyryp, Estafetaǵa alaý kóterýshi retinde qatysýǵa ótinim jibere aldy.
2017 jyldyń 25 qańtarynda Astanada 28-shi Dúniejúzilik qysqy ýniversiada Alaýy tutatylmaq. Bes kún aralyǵynda árbir oblys ortalyǵynda Alaýdy jaǵýǵa arnalǵan óz saltanaty jáne Estafetanyń óz kezeńi ótkiziletin bolady. Alaý estafetasy óńirlerde ótkizilgennen keiin 16 alaý kóterýshi Alaýdy Almatyǵa jetkizip, osynda Ýniversiadanyń ashylý saltanatynda alaý bir tostaǵanda biriktirilmek. Stýdenttik oiyndardyń astanasynda alaýdy 100 adam kóterip ótedi.
Jalpy alǵanda Ýniversiada alaýy 22 500-den astam shaqyrymǵa sozylǵan joldy ótip, onyń 200 shaqyrymyn alaý kóterýshiler júrip ótpek. Stýdenttik oiyndardyń resmi áýetasymaldaýshysy – «Eir Astana» kompaniiasy alaýdy aimaqtardan Almatyǵa jetkizedi. Osylaisha Estafeta alaýy qalǵan 22 300 shaqyrymdy Almatyǵa deiingi jolda ótkizedi. Al 29 qańtarda Ýniversiada-2017 is-sharasynyń resmi ashylýy saltanaty ótedi.
Alaý estafetasynyń aimaqtardaǵy baǵdarlamasy:
- 2017 jyldyń 25 qańtarynda Astana qalasynda 28-shi Dúniejúzilik qysqy ýniversiada Alaýy tutatylmaq;
- 26 qańtarda Alaý oblys ortalyqtarynda, atap aitqanda, Óskemen, Pavlodar, Kókshetaý, Petropavl, Qostanai jáne Qaraǵandy qalalarynda tutatylady;
- 27 qańtarda Aqtóbe, Oral, Atyraý jáne Aqtaý qalalarynda tutatylady;
- 28 qańtarda Qyzylorda, Shymkent, Taraz, Taldyqorǵan qalalarynda tutatylady;
29 qańtarda Alaýdy tutatý saltanaty Ál-Farabi atyndaǵy QazUÝ-de ótedi.
