Qazaqstannyń altyn qory 407 tonnaǵa jetti. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
«Altyn-valiýta rezervteri bir aida 309 mln AQSh dollaryna tómendep, osy jylǵy qarashanyń sońynda 35,5 mlrd AQSh dollary boldy. Altyn portfeli shamamen 407 tonnaǵa jetti jáne 267 mln AQSh dollaryna ósti», - dedi Erbolat Dosaev.
Onyń aitýynsha, erkin konvertatsiialanatyn valiýtadaǵy aktivter valiýtalyq interventsiia, memlekettik boryshty tóleý jáne Úkimettiń shottary boiynsha basqa da operatsiialar esebinen 575 mln AQSh dollaryna tómendedi.
«Jalpy halyqaralyq rezervter bir aida 435 mln AQSh dollaryna tómendep, 90,5 mlrd AQSh dollaryn qurady», - dedi UB tóraǵasy.
