Aýa raiynyń qolaisyzdyǵyna bailanysty respýblikalyq mańyzy bar birqatar avtojolda kólik qozǵalysy shekteldi, dep habarlaidy "Ult aqparat" QR Indýstriia jáne infraqurylymdyq damý ministrliginiń Telegram kanalyna silteme jasap.
Kólik qozǵalysyna tyiym salynǵan oblystardyń ishinde Aqmola oblysynda:
«Jezqazǵan - Petropavl» avtojolynyń 377-536 shaqyrymynda, Qostanai oblysynyń shekarasy men Buzýlyq aýyly arasyndaǵy jol bóliginde, «Nur-Sultan - Petropavl» avtojolynyń 18-231 shaqyrymynda, atap aitqanda, Nur-Sultan – Shýche aqyly jol bóligi bar.
Aqtóbe oblysynda:
Avtokóliktiń barlyq túrleri úshin «Qandyaǵash-Embi-Shalqar-Yrǵyz» avtojolynyń 92-257 shaqyrymy, Embi qalasy men Shalqar aralyǵy jáne júk pen qoǵamdyq avtokólikter úshin «Samara-Shymkent» avtojolynyń 526-710 shaqyrymy, BQO shekarasy men Qurashasai aýylynyń arasy jabylady.
Shyǵys Qazaqstan oblysynda:
Júk jáne qoǵamdyq avtokólikter úshin «Óskemen-Shemonaiha-RF shekarasy» avtojolynyń 105-123 shaqyrymy, Shemonaiha qalasy men RF shekarasy aralyǵy jáne «Óskemen-Ridder-RF shekarasy» jolynyń 105-191 shaqyrymy, Ridder qalasy men RF shekarasy aralyǵy jabylady.
Al tirkemesi bar júk jáne qoǵamdyq kólikter úshin «Óskemen-Shemonaiha-RF shekarasy» avtojolynyń 15-102 shaqyrymy, Glýbokoe aýyly men Shemonaiha qalasynyń arasy jáne «Óskemen-Ridder-RF shekarasy» jolynyń 15-105 shaqyrymy, Beloýsovka aýyly men Ridder qalasynyń arasy jabyq bolady.
Batys Qazaqstan oblysynda:
Júk jáne qoǵamdyq avtokólikter úshin «Samara-Shymkent» avtojolynyń 394-526 shaqyrymy, Jympity aýyly men Aqtóbe oblysynyń shekarasyna deiingi jol bóligi jabylady.
Qaraǵandy oblysynda:
Barlyq avtokólik túrleri úshin «Jezqazǵan-Petropavl» avtojolynyń 142-252 shaqyrymy, Sarlyq aýyly men Qostanai oblysynyń shekarasy aralyǵy jabylady.
Qostanai oblysynda:
Barlyq avtokólik túrleri úshin «Jezqazǵan - Petropavl» avtojolynyń 252-377 shaqyrymy, Qaraǵandy oblysynyń shekarasy men Aqmola oblysynyń shekarasy aralyǵy jabylady.
Soltústik Qazaqstan oblysynda:
Barlyq avtokólik túrleri úshin «Býlaevo-Vozvyshenka-Molodogvardeiskoe-Kirov-Qiialy-Roshinskoe» avtojolynyń 68-132 shaqyrymy, Vozvyshenka aýyly men Ilich aýylynyń aralyǵy, sonymen birge, «Kókshetaý-Kishkenekól-Bidaiyq-RF shekarasy» avtojolynyń 219-280 shaqyrymy, Kishkenekól aýyly men RF shekarasy aralyǵy jabyq bolady.
