Qazaqstannyń 4 oblysynda qandastardy beiimdeý ortalyqtaryn ashý máselesi pysyqtalyp jatyr. Bul týraly Májilis depýtattarynyń saýalyna QR Premer-Ministri Asqar Maminniń jaýabynda aitylǵan, dep habarlaidy QazAqparat.
«2021 jyly Soltústik Qazaqstan, Pavlodar, Shyǵys Qazaqstan jáne Qostanai oblystarynda beiimdeý jáne yqpaldastyrý ortalyqtaryn qurý máselesi pysyqtalýda. HQKO men Beiimdeý ortalyqtarynda qandastar máselelerine qatysty barlyq qyzmetter memlekettik tilde kórsetiletinin atap ótý qajet», - dedi Premer-Ministr.
Sonymen qatar onyń atap ótýinshe, respýblikamyzǵa keletin etnikalyq qazaqtar úshin qolaily jaǵdai jasaýdy, sondai-aq óńirlerdiń áleýmettik-ekonomikalyq damýynyń belgilengen kórsetkishterin eskere otyryp, qonys aýdarýshylardy jáne qandastardy qabyldaýdyń óńirlik kvotalaryn qalyptastyrýdy kózdeitin Kóshi-qon saiasatynyń 2022-2026 jyldarǵa arnalǵan tujyrymdamasynyń jobasy ázirlenip jatyr.
«Eldegi kóshi-qon jáne demografiialyq protsesterin turaqtandyrý, sondaiaq qandastar quqyqtaryn saqtaý máseleleri Úkimettiń turaqty baqylaýynda», - dedi Asqar Mamin.
