Bir táýlik ishinde respýblikanyń avtojoldarynda 155 birlik tehnika shyǵaryldy, 294 adam qutqaryldy jáne evakýatsiialandy. Bul týraly KR TJM resmi ókili Talǵat Ýáli aitty, dep habarlaidy «Ult aqparat».
«Qazgidromet» RMK derekteri boiynsha 16 óńirde (Nur-Sultan, Shymkent qalalary, Aqmola, Atyraý, Almaty, Aqtóbe, Jambyl, BQO, Qaraǵandy, Qostanai, Pavlodar, Qyzylorda, Mańǵystaý, SQO jáne Túrkistan) daýyldy eskertý jariialandy.
TJM ahýaldyq ortalyǵynda Respýblikalyq jedel shtab quryldy, oǵan «Qazaqavtojol» JShS jáne «QazAvtoJol»UK AQ qyzmetkerleri kirdi. Osyndai shtabtar Aqmola, Qaraǵandy, SQO, Qostanai, Batys Qazaqstan, Atyraý oblystary men Nur-Sultan qalasynda jumys isteidi. Bul týraly KR TJM resmi ókili Talǵat Ýáli habarlady.
Qazirgi ýaqytta aýa raiynyń nasharlaýyna bailanysty (boran, qar, nashar kóriný, kóktaiǵaq) respýblikalyq mańyzy bar avtojoldardyń 46 ýchaskesi jáne 14 óńirde 51 oblystyq mańyzy bar ýchaske jabyldy, bul Nur-Sultan qalasy, Aqmola, Aqtóbe, Almaty, Atyraý, Batys Qazaqstan, Qaraǵandy, Qostanai, Soltústik Qazaqstan, Shyǵys-Qazaqstan, Pavlodar, Mańǵystaý, Túrkistan, Jambyl oblystary.
Beketterde Qostanai (87 birlik), Jambyl (70 birlik), Qaraǵandy (169 birlik) oblystarynda barlyǵy 316 birlik avtokólik shoǵyrlanǵan.
Jabyq jol ýchaskelerinde halyqty evakýatsiialaý úshin 473 jylytý pýnkti daiyn. Qazirgi ýaqytta 138 adam ornalastyryldy: Batys Qazaqstan (5 adam), Qaraǵandy (1 adam), Aqmola (16 adam), Qostanai (61 adam) jáne Túrkistan oblysy (55 adam).
TJM aýmaqtyq bólimshelerimen 155 birlik tehnika shyǵarylyp, 294 adam qutqaryldy jáne evakýatsiialandy, onyń ishinde 17 bala.
Shuǵyl jumystarǵa TJM, IIM, jol qyzmetteri, JAO barlyǵy 1189 adam jáne 788 birlik tehnika jumyldyryldy.
Halyqty eskertý maqsatynda aýa raiynyń nasharlaýy týraly 45 SMS-habarlamany taratý júzege asyryldy, «Dármen» mobildik qosymshasy arqyly 38 habarlama jiberildi.
Ýaqytyly aqparattyq-psihologiialyq kómek kórsetý úshin Respýblikalyq jedel shtabta jáne óńirlerde (Nur-Sultan qalasy, Aqmola, BQO, Qostanai jáne SQO) «Jedel bailanys jelisi» ashyldy.
