بٸر تەۋلٸك ٸشٸندە رەسپۋبليكانىڭ اۆتوجولدارىندا 155 بٸرلٸك تەحنيكا شىعارىلدى, 294 ادام قۇتقارىلدى جەنە ەۆاكۋاتسييالاندى. بۇل تۋرالى كر تجم رەسمي ٶكٸلٸ تالعات ۋەلي ايتتى, دەپ حابارلايدى «ۇلت اقپارات».
«قازگيدرومەت» رمك دەرەكتەرٸ بويىنشا 16 ٶڭٸردە (نۇر-سۇلتان, شىمكەنت قالالارى, اقمولا, اتىراۋ, الماتى, اقتٶبە, جامبىل, بقو, قاراعاندى, قوستاناي, پاۆلودار, قىزىلوردا, ماڭعىستاۋ, سقو جەنە تٷركٸستان) داۋىلدى ەسكەرتۋ جارييالاندى.
تجم احۋالدىق ورتالىعىندا رەسپۋبليكالىق جەدەل شتاب قۇرىلدى, وعان «قازاقاۆتوجول» جشس جەنە «قازاۆتوجول»ۇك اق قىزمەتكەرلەرٸ كٸردٸ. وسىنداي شتابتار اقمولا, قاراعاندى, سقو, قوستاناي, باتىس قازاقستان, اتىراۋ وبلىستارى مەن نۇر-سۇلتان قالاسىندا جۇمىس ٸستەيدٸ. بۇل تۋرالى كر تجم رەسمي ٶكٸلٸ تالعات ۋەلي حابارلادى.
قازٸرگٸ ۋاقىتتا اۋا رايىنىڭ ناشارلاۋىنا بايلانىستى (بوران, قار, ناشار كٶرٸنۋ, كٶكتايعاق) رەسپۋبليكالىق ماڭىزى بار اۆتوجولداردىڭ 46 ۋچاسكەسٸ جەنە 14 ٶڭٸردە 51 وبلىستىق ماڭىزى بار ۋچاسكە جابىلدى, بۇل نۇر-سۇلتان قالاسى, اقمولا, اقتٶبە, الماتى, اتىراۋ, باتىس قازاقستان, قاراعاندى, قوستاناي, سولتٷستٸك قازاقستان, شىعىس-قازاقستان, پاۆلودار, ماڭعىستاۋ, تٷركٸستان, جامبىل وبلىستارى.
بەكەتتەردە قوستاناي (87 بٸرلٸك), جامبىل (70 بٸرلٸك), قاراعاندى (169 بٸرلٸك) وبلىستارىندا بارلىعى 316 بٸرلٸك اۆتوكٶلٸك شوعىرلانعان.
جابىق جول ۋچاسكەلەرٸندە حالىقتى ەۆاكۋاتسييالاۋ ٷشٸن 473 جىلىتۋ پۋنكتٸ دايىن. قازٸرگٸ ۋاقىتتا 138 ادام ورنالاستىرىلدى: باتىس قازاقستان (5 ادام), قاراعاندى (1 ادام), اقمولا (16 ادام), قوستاناي (61 ادام) جەنە تٷركٸستان وبلىسى (55 ادام).
تجم اۋماقتىق بٶلٸمشەلەرٸمەن 155 بٸرلٸك تەحنيكا شىعارىلىپ, 294 ادام قۇتقارىلدى جەنە ەۆاكۋاتسييالاندى, ونىڭ ٸشٸندە 17 بالا.
شۇعىل جۇمىستارعا تجم, ٸٸم, جول قىزمەتتەرٸ, جاو بارلىعى 1189 ادام جەنە 788 بٸرلٸك تەحنيكا جۇمىلدىرىلدى.
حالىقتى ەسكەرتۋ ماقساتىندا اۋا رايىنىڭ ناشارلاۋى تۋرالى 45 سمس-حابارلامانى تاراتۋ جٷزەگە اسىرىلدى, «دەرمەن» موبيلدٸك قوسىمشاسى ارقىلى 38 حابارلاما جٸبەرٸلدٸ.
ۋاقىتىلى اقپاراتتىق-پسيحولوگييالىق كٶمەك كٶرسەتۋ ٷشٸن رەسپۋبليكالىق جەدەل شتابتا جەنە ٶڭٸرلەردە (نۇر-سۇلتان قالاسى, اقمولا, بقو, قوستاناي جەنە سقو) «جەدەل بايلانىس جەلٸسٸ» اشىلدى.
