Aqmola oblysynan qazirgi Qazaqstan aýmaǵyndaǵy eldi mekenderdiń kartasy tabyldy, dep habarlaidy "Ult aqparat" ákimniń keńesshisi Marat Iǵalige silteme jasap. Ol osy jańalyqty Feisbýktaǵy paraqshasynda bólisken.
Qazir geografiialyq karta óńirdiń oblystyq arhivinde tur. Ony 1894 jyly general-maior Bolshevtiń basshylyǵymen áskeri topograftar korpýsy jasap, 1919 jyly ózgertýler engizilgen.
«Qujat Aqmola oblysy aýdandarynyń birinen kezdeisoq tabyldy. Karta Qazaqstan tarihyn zertteýshilerge qundy derek bolatynyna senimdimin. Arnaiy zertteý jumysyn uiymdastyramyz (...). Karta biregei ári tolyqtai jasalǵan. Aldaǵy ýaqytta, qysqy demalys aiaqtalysymen osy baǵyttaǵy jumysty bastaýǵa bel býyp otyrmyz. Bastysy - umyt bola bastaǵan tarihi eldi mekenderdiń derekterin qalpyna keltirý (...). Karta jaqsy saqtalmaǵan, sondyqtan aldymen qalpyna keltirýdi talap etedi», - dedi Marat Iǵali.
