Nursultan Nazarbaev «Qazaqstandaǵy 100 jańa esim» jobasyna qatysýshylarmen kezdesti, dep habarlaidy "Ult aqparat".
Memleket basshysy jobaǵa qatysýshylarǵa álemde bolyp jatqan ózgerister jóninde aityp, qazirgi jaǵdailarǵa beiimdelý qajettigine nazar aýdardy.
Elbasy jahandyq ózgerister dáýirinde «Rýhani jańǵyrý» baǵdarlamasynyń ózektiligin atap ótip, ony iske asyrýdyń aralyq nátijelerine toqtaldy.
Qazaqstan Prezidenti memlekettik tildi latyn qarpine kóshirý jónindegi joba týraly aityp, bul úrdistiń basty maqsatyn atap ótti.
– Búginde ǵylym jáne mádeniet týraly aqparattyń 70 paiyzǵa jýyǵy aǵylshyn tilinde taralady. Biz úsh tilde bilim berýge kóshetinimizdi jariialadyq. Jastarymyz qazirdiń ózinde aǵylshyn tilin meńgergen. Latyn qarpine kóshý damyp kele jatqan ortaq aqparat álemine enýimizge múmkindik beredi, – dedi ol óz sózinde.
Sonymen birge, Memleket basshysy «Jańa gýmanitarlyq bilim» jáne «Týǵan jer» jobalarynyń iske asyrylý barysyna toqtaldy.
– Biz eger qazaq tiliniń damýy týraly aitar bolsaq, álemniń úzdik bilimin ana tilimizde alýymyz kerek. «Jańa gýmanitarlyq bilim» jobasy aiasynda úzdik 100 oqýlyqty qazaq tiline aýdarý máselesi qarastyrylǵan. «Týǵan jer» jobasy boiynsha mynany aitýǵa bolady. Patriotizm týǵan úi men týyp-ósken óńirden bastalady. Biz kishi Otanymyz arqyly búkil Qazaqstandy súiemiz. Qazir elimizde metsenattar týǵan jerine baryp, balabaqsha, mektepter men aýrýhanalar salyp jatyr. Jalpy alǵanda, búginde osy baǵytta 720-dan astam joba iske asty, – dedi Nursultan Nazarbaev.
Elbasy «Qazaqstannyń kieli jerleriniń geografiiasy» jobasynyń halqymyz úshin máni zor ekenin aityp, «Jahandaǵy zamanaýi qazaqstandyq mádeniet» baǵdarlamasynyń mindetterin atap ótti.
– Biz álemdegi kieli jerler men olardyń tarihy týraly jaqsy bilemiz. Al Qazaqstanda ondai jerler joq pa? Qazirgi kezde osyndai kieli 100 oryndy anyqtaý jóninde mindet qoiyldy. Olar týristik orynǵa ainalatyn bolady. Bizdiń mádenietimiz búkil álemge tanylýǵa tiis. Al «Jahandaǵy zamanaýi qazaqstandyq mádeniet» jobasy bizdiń mádeni bailyǵymyzdy dúnie júzine tanytýy kerek, – dedi Qazaqstan Prezidenti.
Memleket basshysy «Qazaqstandaǵy 100 jańa esim» jobasyn iske asyrýdyń mańyzdylyǵyna nazar aýdaryp, kezdesýge qatysýshylarǵa qoǵam tarapynan artylǵan jaýapkershiliktiń mol ekenin eskertti.
– Sizder baiqaýdyń irikteý týrynan óttińizder. Daýys berý internet arqyly júrgizildi. Sizder – biregei tulǵasyzdar. Táýelsizdigimiz sizderge talanttaryńyzdy shyńdap, bolashaqqa jol salýǵa múmkindik berdi. Sizder óskeleń urpaqqa úlgi bolasyzdar, – dedi Nursultan Nazarbaev.
Kezdesýde «Qazaqstandaǵy 100 jańa esim» jobasyna qatysýshylar rýhani jańǵyrý baǵdarlamasynyń iske asyrylý barysy jóninde oi bólisip, ózderiniń jetistikteri týraly aitty.
Elbasy jobanyń birneshe qatysýshysynyń jetken jetistigimen tanysyp, qazaqstandyqtardyń tulǵalyq turǵydan damýynyń mańyzdylyǵyn atap ótti.
– Sóz sóilegenderdiń barlyǵy týraly film túsirip, kitap jazýǵa bolady. Adamdar odan shabyt alady. Shyn júrekten quttyqtaimyn. Jastarymyz maqsatqa qarai talpynýǵa tiis, – dedi Qazaqstan Prezidenti.
Memleket basshysy halyqtardyń damyp, jahandyq úrdisterge beiimdelýiniń álemdik tájiribeleri jóninde oi bólisti.
Sońynda Nursultan Nazarbaev jobanyń barlyq qatysýshysyna tabys tilep, olardy bul jetistiktermen shektelmeýge shaqyrdy.
Elbasy kezdesý aiaqtalǵan soń «Qazaqstandaǵy 100 jańa esim» jobasyna qatysýshylarǵa arnalǵan arnaiy fotokórmeni aralap kórdi.
Eske sala ketsek, búgin QR Prezidenti Nursultan Nazarbaev «Rýhani jańǵyrý» baǵdarlamasy aiasynda uiymdastyrylǵan «100 jańa esim» jobasynyń 102 jeńimpazymen kezdesti. Qazaqstannyń týyn biikke kótergen sportshylar men aq halatty dárigerler, metsenattyqpen kózge túsken beldi kásipkerler men ǵalymdar, mádeniet pen qoǵamdyq salada el aýzynda júrgen azamattar Memleket basshysynyń jyly lebizine bólendi.
