Qazaqstanda munai ónimderin el aýmaǵynan áketýge jańa shekteý engizilmek. QR Energetika, Qarjy jáne Ishki ister ministrleri, sondai-aq UQK tóraǵasy elden benzin men dizel otynyn áketýge jarty jylǵa tyiym salatyn birlesken buiryqqa qol qoidy, - dep habarlaidy "Ult aqparat".
Qujat Qazaqstan NQA etalon baqylaý bankiniń resmi portalynda jariialandy.
"Avtomobil kólik quraldaryn daiyndaýshy zaýytpen kózdelgen benzin baktarynda, sondai-aq jalpy kólemi 20 litrden aspaityn jeke ydystarda áketý jaǵdailaryn qospaǵanda, jaǵarmaidy (EAEO SEQ TN kody 2710 19 820 0, 2710 19 840 0, 2710 19 860 0, 2710 19 880 0, 2710 19 920 0, 2710 19 940 0, 2710 19 980 0, 3403 19 900 0, 3403 91 000 0) qospaǵanda, benzinderdi, dizel otynyn jáne munai ónimderiniń jekelegen túrlerin (EAEO SEQ TN kody 2709 00, 2710, 2902, 3403, 3811, 3826 00) Qazaqstan Respýblikasynyń aýmaǵynan avtomobil kóligimen áketýge alty ai merzimge tyiym salý engizilsin", - delingen qujatta.
Buiryq alǵashqy resmi jariialanǵan kúninen keiin kúntizbelik 10 kún ótken soń, iaǵni 12 shildede qoldanysqa enedi.
