Qazaqstanǵa Reseiden 400 litr zańsyz alkogol ákelingen, dep habarlaidy "Ult aqparat" Memlekettik kirister komitetine silteme jasap.
Soltústik Qazaqstan oblysynyń «Jańa jol» avtomobil ótkizý beketinde SQO boiynsha memlekettik kirister departamentiniń qyzmetkerleri Volvo markaly avtomashinasymen Resei Federatsiiasynan Qazaqstan aýmaǵyna 4 litrlik plastik ydystarǵa quiylǵan 400 litr alkogol ónimin kirgizý faktisin anyqtady.
Ákimshilik quqyq buzý týraly kodekstiń 282-baby 3-tarmaǵy boiynsha hattama jasaldy. Tárkilengen alkogol ónimderi sot sheshimine deiin qoimaǵa ornalastyryldy.
Jalpy, 2019 jyldyń 10 aiynda «Jańa jol», «Qyzyljar», «Bidaiyq», «Qaraqoǵa» avtomobil ótkizý beketterinde Soltústik Qazaqstan oblysy memlekettik kirister departamenti tyiym salynǵan taýarlardy áketý faktileriniń jolyn kesti.
- qara jáne tústi metall synyqtary boiynsha 390,7 tonna mólsherinde 52 fakti;
- makýlatýra boiynsha 19,9 myń tonna mólsherinde 1 fakti;
- IQM terisi boiynsha 21,0 myń tonna mólsherinde 1 fakti;
- munai ónimderi boiynsha 3,7 myń litr kóleminde 10 fakti.
Budan basqa, eksporttyq baqylaý basqarmasy syrtqy ekonomikalyq qyzmetke qatysýshylardyń Eýraziialyq ekonomikalyq odaqqa múshe memleketterden importtalǵan taýarlardyń quny boiynsha málimdelgen baǵalardy tómendetý boiynsha jumys júrgizýde. 1 qarashadaǵy jaǵdai boiynsha júrgizilgen áńgimeniń nátijesinde 6,6 mln teńge somasyna 14 salyq tóleýshi túzetý jasap, qosymsha esep usyndy.
Janama salyqtardy ýaqtyly tólemegeni úshin ákimshilik sharalar qoldanyldy jáne biýdjetke 15 mln teńge óndirip alyndy.
