Qazaqstanǵa koronavirýsty anyqtaýǵa arnalǵan 250 myń test jetkiziledi. Bul týraly búgin Ortalyq kommýnikatsiialar qyzmetindegi brifingte QR Aqparat jáne qoǵamdyq damý ministri Dáýren Abaev aitty, dep habarlaidy "Ult aqparat".
«Memleket basshysy aqparatty bir ortalyqtan taratýdy tapsyrdy. Bul jumysqa jaýapty bolyp bizdiń ministrlik bekitildi. Sondyqtan aldaǵy ýaqytta biz sizderge memlekettik komissiia, Úkimet, ortalyq memlekettik organdar atqaryp jatqan sharalar týraly turaqty túrde habarlap otyramyz. Biraq, bul jýrnalisterdiń jergilikti atqarýshy organdarmen qalyptasqan jumysyna kedergi keltirmeidi. Densaýlyq saqtaý basqarmalary qajetti bolǵan kezde sizdermen burynǵydai bailanysty bolady», - dedi ministr.
Onyń dereginshe, búginde elimizde koronavirýs juqtyrýdyń 62 jaǵdaiy tirkelgen.
«Búginde elimizde 60 myń test bar. Taiaý kúnderi bizdiń qolymyzǵa taǵy da 150 myń test túsedi. Kelisimshart jasasý kezeńinde tur. Taǵy da 100 myń test demeýshilerdiń qarajaty esebinen satyp alynady. Halyq úshin test tegin júrgiziledi», - dedi Dáýren Abaev.
