قازاقستانعا كوروناۆيرۋستى انىقتاۋعا ارنالعان 250 مىڭ تەست جەتكٸزٸلەدٸ. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ بريفينگتە قر اقپارات جەنە قوعامدىق دامۋ مينيسترٸ دەۋرەن اباەۆ ايتتى, دەپ حابارلايدى "ۇلت اقپارات".
«مەملەكەت باسشىسى اقپاراتتى بٸر ورتالىقتان تاراتۋدى تاپسىردى. بۇل جۇمىسقا جاۋاپتى بولىپ بٸزدٸڭ مينيسترلٸك بەكٸتٸلدٸ. سوندىقتان الداعى ۋاقىتتا بٸز سٸزدەرگە مەملەكەتتٸك كوميسسييا, ٷكٸمەت, ورتالىق مەملەكەتتٸك ورگاندار اتقارىپ جاتقان شارالار تۋرالى تۇراقتى تٷردە حابارلاپ وتىرامىز. بٸراق, بۇل جۋرناليستەردٸڭ جەرگٸلٸكتٸ اتقارۋشى ورگاندارمەن قالىپتاسقان جۇمىسىنا كەدەرگٸ كەلتٸرمەيدٸ. دەنساۋلىق ساقتاۋ باسقارمالارى قاجەتتٸ بولعان كەزدە سٸزدەرمەن بۇرىنعىداي بايلانىستى بولادى», - دەدٸ مينيستر.
ونىڭ دەرەگٸنشە, بٷگٸندە ەلٸمٸزدە كوروناۆيرۋس جۇقتىرۋدىڭ 62 جاعدايى تٸركەلگەن.
«بٷگٸندە ەلٸمٸزدە 60 مىڭ تەست بار. تاياۋ كٷندەرٸ بٸزدٸڭ قولىمىزعا تاعى دا 150 مىڭ تەست تٷسەدٸ. كەلٸسٸمشارت جاساسۋ كەزەڭٸندە تۇر. تاعى دا 100 مىڭ تەست دەمەۋشٸلەردٸڭ قاراجاتى ەسەبٸنەن ساتىپ الىنادى. حالىق ٷشٸن تەست تەگٸن جٷرگٸزٸلەدٸ», - دەدٸ دەۋرەن اباەۆ.
