Qazaqstanǵa kelgen jolaýshylardan koronavirýs anyqtalǵan joq. Mundai málimetti Densaýlyq saqtaý ministrliginiń resmi ókili Baǵdat Qojahmetov jariia etti, dep habarlaidy "Ult aqparat".
«Ministrlik qazirgi ýaqytta Qazaqstanǵa kóliktiń ártúrli túrimen kelip jatqan jolaýshylar boiynsha jaǵdaidy baqylaýda ustap otyr. Qazir Qazaqstanǵa jolaýshylar eki jolmen – avtokólikpen nemese ushaqpen keledi. 24 qyrkúiekte bizdiń elge ushaqpen 2 127 adam keldi. Onyń 2008-i – áýe jolaýshylary bolsa, 119-y ekipaj músheleri», - dedi Baǵdat Qojahmetov OKQ-da ótken baspasóz máslihatynda.
Ministrliktiń resmi ókiliniń aitýynsha, kelgen jolaýshylardyń bári de teplovizordan ótken.
«Atalǵan jolaýshylardyń ishinde 479 adamda PTR-test anyqtamasy boldy. Eshkim de aýrýhanaǵa jatqyzylǵan joq. Sebebi olardyń eshbirinen koronavirýs infektsiiasy anyqtalmady», - dedi ol.
