Qazaqstanǵa halyqaralyq áýe reisterimen 3 716 aviajolaýshy keldi, dep habarlaidy "Ult aqparat" Sanitariialyq - epidemiologiialyq baqylaý komitetine silteme jasap.
22 sáýirde Qazaqstan Respýblikasynyń aýmaǵyna Grekiia, Maldiv Respýblikasy, BAÁ, Mysyr, Túrkiia, Ýkraina, Resei Federatsiiasy, Ózbekstan jáne Qyrǵyzstannan 28 halyqaralyq áýe reisi keldi.
Ótken táýlikte 3 716 aviajolaýshy keldi. Onyń ishinde:
Almaty qalasynyń áýejaiyna – 14 reis, 1 820 jolaýshy;
Nur-Sultan qalasynyń áýejaiyna – 8 reis, 1 240 jolaýshy;
Shymkent qalasynyń áýejaiyna – 3 reis, 379 jolaýshy;
Aqtaý qalasynyń áýejaiyna – 1 reis, 149 jolaýshy;
Atyraý qalasynyń áýejaiyna – 1 reis, 4 jolaýshy;
Túrkistan qalasynyń áýejaiyna – 1 reis, 124 jolaýshy kelgen;
Barlyq jolaýshy COVID-19-ǵa PTR-testileý týraly anyqtamamen kelgen.
QR Bas memlekettik sanitariialyq dárigeriniń 12 sáýirdegi №13 qaýlysyna sáikes, aviakompaniialar Qazaqstannyń Memlekettik shekarasyn kesip ótken sátte berilgenine 3 táýlik ótpegen PTR ádisimen COVID-19-ǵa testiden ótkeni týraly anyqtamany usynbaǵan jolaýshylardy áýe kemesiniń bortyna otyrǵyzbaýy tiis.
