Qazaqstandyq týristerge Túrkiia men Germaniiada saq bolýǵa keńes berildi, - dep habarlaidy "Ult aqparat" kaz.tengrinews.kz portalyna silteme jasap. Bul týraly QR investitsiialar jáne damý ministrliginiń Týrizm indýstriiasy departamentiniń direktory Marat Iǵali Facebook jelisindegi paraqshasynda jazdy.
Aita keteiik, 20 jeltoqsanda Berlin ortalyǵynda Gedehtniskirhe shirkeýiniń mańynda jármeńke ótip jatqan jerde júk kóligi adamdar tobyn qaǵyp ketken bolatyn. Saldarynan 12 adam qaza taýyp, 48 adam jaraqat aldy. Deutsche Welle basylymnyń málimetinshe, oqiǵa ornyn politsiia qorshaýǵa alǵan. Munda órt sóndirýshiler men jedel járdem kólikteri kelgen. Jergilikti BAQ-tar adamdardy qaqqan júrgizýshiniń oqiǵa ornynan qashyp ketkenin habarlap otyr. Al Washington PostIraktaǵy derekkózderine silteme jasai otyryp, DAISh-tyń bul qylmysty óz moinyna alǵanyn habarlady.
Marat Iǵalidiń aitýynsha, QR SIM Departamentine qazaqstandyq týristerdiń zardap shekkeni jaily málimet túspegen. "QR SIM Týrizm indýstriiasy departamentindegiler Germaniia aýmaǵynda júrgen qazaqstandyq týristerge abai bolýǵa, qaýipsizdik erejelerin saqtaýǵa jáne adam kóp jinalǵan jerlerde júrmeýge keńes beredi", - dep jazdy Marat Iǵali.
Sondai-aq, 19 jeltoqsanda Reseidiń Túrkiiadaǵy elshisine tikelei efirde qastandyq jasalǵan bolatyn. Reseidiń Túrkiiadaǵy elshisine shabýyl Túrkiia astanasyndaǵy zamanaýi óner ortalyǵyndaǵy kórmeniń ashylý saltanatynda jasaldy. Kýágerlerdiń aitýynsha, mekemege qarýly adam kirip kelip, diplomattyń artynan oq atqan. 62 jastaǵy diplomatqa minberde sóz sóz sóilep turǵanda jasalǵan. Politseiler oǵan shabýyl jasaǵan adamnyń kózin joidy. Bul oqiǵany túrik telearnasy tikelei efirde kórsetip jatqan. Keiin QR SIM Reseidiń Túrkiiadaǵy elshisi Andrei Karlovqa jasalǵan qastandyq týraly pikir bildirdi.
