Qazaqstandyqtarǵa múgedektikti belgileý, járdemaqylardy rásimdeý avtomattandyrylady. Bul týraly QR Eńbek jáne halyqty áleýmettik qorǵaý vitse-ministri Erbol Ospanov aitty, dep habarlaidy QazAqparat.
«25 aqpanda QR Prezidenti Ulttyq qoǵamdyq senim keńesiniń otyrysy barysynda múgedektigi bar adamdarǵa barynsha qolaily jaǵdai jasaýdy tapsyrdy. Búgingi tańda qazaqstandyqtarǵa múgedektikti belgileý, járdemaqylardy rásimdeý, tehnikalyq quraldar men ońaltý qyzmetterin alý úshin túrli memlekettik mekemelerge barýǵa týra keledi. Aldymen azamattar meditsinalyq komissiiadan ótý úshin meditsinalyq mekemelerge júginedi. Sodan keiin múgedektigin anyqtaý úshin qaǵaz qujattarymen meditsinalyq-áleýmettik saraptama bólimine barady. Munan keiin járdemaqy avtomatty túrde memlekettik korporatsiiaǵa jiberiledi. Al áleýmettik qyzmetter, tehnikalyq ońaltý quraldaryn taǵaiyndaý jáne alý úshin jergilikti atqarýshy organdardyń Jumyspen qamtý jáne áleýmettik baǵdarlamalar bólimine barýyna týra keledi», – dedi Erbol Ospanov ortalyq kommýnikatsiialar qyzmetindegi baspasóz máslihatynda.
Osy rette ol birneshe mekeme arasynda júrýdi joiý, qaǵazbastylyqty, sondai-aq qyzmet berýshi men qyzmet alýshynyń arasynda bailanysty boldyrmaý úshin jumys júrgizip jatqanyn aitty.
«Biz protsesterdi tsifrlandyrý boiynsha jumys júrgizip jatyrmyz. Bul jerde biz múgedektikti syrttai belgileý týraly aityp otyrmyz – ótinish berýshi tek meditsinalyq mekemelerge júginedi. qalǵan protsester adamnyń qatysýynsyz aqparattyq júielerdi integratsiialaý arqyly ótedi: járdemaqylar, áleýmettik qyzmetter jáne tehnikalyq ońaltý quraldary avtomatty túrde taǵaiyndalady. Qazirdiń ózinde barlyq qajetti aqparattyq júielerdiń integratsiiasy júrgizildi. Densaýlyq saqtaý ministrligimen integratsiiany aiaqtaý ǵana qaldy, bul jaqyn arada jasalatyn bolady», – dedi ol.
