Búginnen bastap qazaqstandyq salyq tóleýshiler múlik, jer jáne kólik quraldary boiynsha aldaǵy salyq tólemderi týraly SMS-habarlama alady, dep habarlaidy "Ult aqparat" QR QM baspasóz qyzmetine silteme jasap.
«Taiaý ýaqytta Qazaqstan Respýblikasynyń azamattary uialy telefondaryna (smartfondar, telefondar) tóleýge tiisti salyq somasy týraly SMS-habarlamalar alady. Bul eskertýlerdi alý úshin azamattar elektrondyq úkimettiń egov.kz portaly nemese mgov mobildi qosymshasy arqyly mobildi bazasynda nómirin tirkeý qajet. egov.kz elektrondy úkimet portalynyń «Qyzmetter» bólimindegi mobildi azamattar derekter bazasynda tirkeýde bar joǵyńyzdy teksere alasyz», - delingen ministrlik habarlamasynda.
