Foto: ashyq derekkóz
IIM-niń kiberqylmysqa qarsy is-qimyl departamenti Ulttyq qaýipsizdik komitetimen birlesip, qazaqstandyqtardyń jeke málimetin internette zańsyz satqan qylmystyq toptyń jolyn kesti, dep habarlaidy Ult.kz.
«Aqparattar memlekettik bazadan zańsyz alynǵan jáne Telegram arqyly taratylǵan, onyń ishinde keibir kollektorlyq kompaniiaǵa berilgen. 140-tan astam adam, onyń ishinde kompaniia ieleri men arna ákimshileri ustaldy. Qazirgi tańda 5 kúdikti qamaýǵa alyndy. Tintý barysynda 400-den astam kompiýterlik jáne basqa da elektrondyq tehnika tárkilendi, - delingen IIM habarlamasynda.
Qylmystyq kodekstiń 205-baby 3-bóligi (aqparattyq júiege zańsyz qol jetkizý), 147-baby 5-bóligi (jeke ómirge qol suǵý jáne jeke derekter týraly zańnamany buzý), sondai-aq 211-baby 3-bóligi (shekteýli elektrondyq aqparattyq resýrstardy zańsyz taratý) boiynsha qylmystyq is qozǵaldy.
Osy iske qatysy bar adamdardyń tolyq sheńberi anyqtalýda.
