Foto: Tengrinews.kz/Turar Qazangapov
Shet memleketterde jumysqa ornalastyrý jeleýimen qazaqstandyqtardy aldaǵan Aidos Sháripov Germaniiada ustalyp, elge ekstraditsiialandy. Bul týraly QR Bas prokýratýrasynyń baspasóz qyzmeti habarlady.
Málim etilgendei, QR Bas prokýratýrasy men QR Ishki ister ministrliginiń qyzmetkerleri Germaniiadan Qazaqstan Respýblikasynyń azamaty, 32 jastaǵy Aidos Qanatuly Sháripovti ekstraditsiialady.
«Sháripov jeke kásipker bolyp jumys istei otyryp, Eýroodaq elderinde (Litva, Norvegiia, Germaniia, Daniia, Finliandiia) jumysqa ornalastyrý syltaýymen Qazaqstan azamattaryna iri kólemde zalal keltirdi dep kúdiktenedi.
Onyń qylmystyq áreketinen 60-tan astam zardap shegýshige keltirilgen zalal somasy 34 mln teńgeni quraidy.
Qylmys jasalǵannan keiin kúdikti qylmystyq qýdalaý organdarynan jasyrynyp, osyǵan bailanysty halyqaralyq izdeý jariialandy», - delingen taratylǵan habarlamada.
Qazirgi ýaqytta A.Sháripov Nur-Cultan qalasynyń tergeý izoliatoryna qamalǵan.
