Jeltoqsan aiynda elimizde Qazaqstan Respýblikasynyń Tuńǵysh Prezidenti kúni jáne Táýelsizdik kúni merekeleri atalyp ótedi. Sáikesinshe, qazaqstandyqtarǵa qosymsha tórt kún demalys beriledi, dep habarlaidy QazAqparat.
1 jeltoqsan Tuńǵysh Prezident kúni biyl senbige kelip tur. Eger memlekettik nemese ulttyq mereke demalys kúnine (senbi, jeksenbi) kelse, demalys bir kúnge uzartylady. Sol sebepti qazaqstandyqtar 1-i men 3-i aralyǵynda úsh kún qatarynan demalady.
16-17 jeltoqsan kúnderi Qazaqstanda Táýelsizdik kúni toilanady. Biyl 16 jeltoqsan jeksenbige túskendikten, demalys kúni 18 jeltoqsanǵa aýystyrylady. Osylaisha, Qazaqstan turǵyndary 15,16,17 jáne 18 jeltoqsanda - tórt kún demalady.
QR Eńbek kodeksiniń 85-babynyń 3-tarmaǵyna sáikes, mereke kúnderi jumys ýaqytyn tiimdi paidalaný maqsatynda Úkimet demalys kúnderin basqa jumys kúnderine aýystyrýǵa quqyly.
Sondyqtan, dúisenbi - 31 jeltoqsandaǵy jumys kúni senbi - 29 jeltoqsanǵa aýystyrylady jáne qazaqstandyqtar 30 jeltoqsannan 2 qańtarǵa deiin taǵy tórt kún demalady.
Biyl 27 jyldyǵy toilanatyn Táýelsizdik kúni 16-17 jeltoqsan aralyǵynda atalyp ótedi. Ol senbi men jeksenbi kúnderine kelip otyr.
Qazaqstandaǵy merekelik kúnder týraly zańǵa sáikes, demalys kúni merekelik kúnmen qatar keletin bolsa, merekelik kúnen keiingi jumys kúninde demalys bolady. Osylaisha, qazaqstandyqtar 16-19 jeltoqsan aralyǵynda qatarynan 4 kún demalady.
