Foto: svoboda.org
Qazaqstan óz azamattarynyń Ýkrainadaǵy soǵysqa qatysyp jatqany týraly quzyretti organdardan aqparat almaǵan. Bul týraly Syrtqy ister ministrliginiń resmi ókili Aibek Smadiiarov málimdedi , - dep habarlaidy Massaget.kz portaly.
"Ýkrainanyń quzyretti organdarynan Qazaqstan azamattary ustalǵany nemese Ýkraina aýmaǵyndaǵy qarýly qaqtyǵysqa qatysqany týraly eshqandai aqparat alǵan joqpyz. Bul rette, ózderińiz biletindei, mundai áreketterge Qazaqstan zańnamasyna sáikes qylmystyq jaýapkershilik kózdeledi", - dedi ministrliktiń resmi ókili.
Buǵan deiin áleýmettik jelilerde ýkrainalyq áskeri kúshter "qazaq" ekenin aitqan adamdy tutqyndaǵany týraly video paida boldy. Degenmen videodaǵy tutqyndalǵan adam qazaqstandyq pa, joq pa, bul másele naqtylanbaǵan.
