Prezident tapsyrmasyn oryndaý aiasynda Qazaqstan Respýblikasynyń barlyq áýejaiynda tsifrlyq qujattar qyzmeti (eGov Mobile) engizildi, dep habarlaidy QR IIDM baspasóz qyzmeti.
Osy qyzmettiń arqasynda ishki reisterdegi jolaýshylar jeke málimetterin rastaý úshin eGov Mobile qosymshasy arqyly tsifrlyq kýáligin kórsetýge múmkindik aldy.
Áýejaida tsifrlyq jeke kýálikti paidalaný úshin eGov mobile-da avtorlandyrylǵan paidalanýshy «tsifrlyq qujattar» qyzmetine kirip, tizimnen jeke kýálikti tańdaý kerek. Áýejaidyń tirkeý taǵanynda, sondai-aq ushý aldyndaǵy tekserýden ótý kezinde serviste jasalǵan QR-kody bar smartfonnyń ekranyn kórsetý qajet.
Ishki reisterde tsifrlyq jeke kýálikti paidalaný múmkindigi qazaqstandyqtarda Indýstriia jáne infraqurylymdyq damý ministrliginiń, Tsifrlyq damý, innovatsiialar jáne aeroǵarysh ónerkásibi ministrliginiń, Azamattyq aviatsiia komitetiniń, «Qazaqstannyń aviatsiialyq ákimshiligi» AQ- nyń, Qazaqstan Respýblikasynyń áýe kompaniialary men áýejailarynyń jáne «lttyq aqparattyq tehnologiialar» AQ-nyń júielerdi integratsiialaý boiynsha birlesken jumysynyń arqasynda paida boldy.
