Qazaqstandyqtar kezekti qarjy piramidasynyń arbaýyna túsip qaldy. Búginde «World Business Consulting» uiymyna qatysty tergeý amaldary júrip jatyr, dep habarlaidy QazAqparat QR Qarjylyq monitoring agenttigine silteme jasap.
Agenttiktiń Almaty qalalyq aýmaqtyq departamenti «World Business Consulting» qarjy piramidasyn uiymdastyrǵandarǵa qatysty tergeý jumystaryn qolǵa aldy. Olar qarjylyq alaiaqtyqpen ainalysqan dep aiyptalýda. Kompaniia ókilderi shetelde júrip qazaqstandyqtarmen Zoom platformasy arqyly onlain júzdesip, olardy óz quryǵyna túsirip otyrǵan.
Kompaniia sheteldik birqatar affirlengen firmanyń investitsiialyq jobalaryna aqsha quiýǵa úndegen. Biraq odan ári salymshylar aqshalaryn kórmegen.
«Azamattar jeńil tabys tabý úshin óz qarjylaryn piramidalyq uiymǵa quiǵan. Onyń ishinde qarjylai, materialdyq jáne jyljymaityn múlik te bar. Aqsha qarajattary keiin bólingen», - dedi Almaty qalalyq aýmaqtyq departamenti Tergeý basqarmasynyń basshysy Sáken Qondybaev.
Osy oraida «World Business Consulting» uiymynan zardap shekken azamattar +7 775 923 40 90, +7 708 192 28 18 telefon nómirlerine habarlasa alady.
