Foto: ashyq derekkóz
Áleýmettik zertteý nátijesine sáikes, qazaqstandyqtardyń basym bóligi mahabbatpen úilengenderin aitqan. Saýalnamaǵa qatysqandardyń 59,9%-y otbasy qurýdyń negizgi sebebi retinde osy faktordy ataǵan, dep habarlaidy Ult.kz.
Zertteý derekterine sai, ózge sebepterdiń qatarynda kózqarastar men qyzyǵýshylyqtardyń ortaqtyǵy (17%), balanyń dúniege kelýi (10,7%) jáne ata-anadan táýelsiz bolý (5,5%) kórsetilgen.
Sonymen qatar respondentterdiń 44,9%-y otbasy uǵymyn eń aldymen baqyt pen mahabbatpen bailanystyrady. Al neke kóbine qarym-qatynasty resmi rásimdeý retinde qabyldanady.
Zertteý «Qazaqstan otbasylary – 2024» ulttyq baiandamasy aiasynda 3000 adam arasynda júrgizilgen.
