Qazaqstandyqtar Reseidegi jaqyn týystaryna bara alady. Mundai múmkindik RF Úkimetiniń 25 naýryzdaǵy ókimine sáikes qarastyrylǵan, dep habarlaidy "Ult aqparat".
«Qujat QR SIM men RF SIM-niń tyǵyz ári syndarly ózara is-qimyly negizinde ázirlengen jáne Qazaqstan azamattarynyń koronavirýs indetine bailanysty sheteldikterdiń kelýin jappai shekteý jaǵdaiynda Resei aýmaǵynada júrýin reglamentteýge múmkindik beredi. Atap aitqanda, qazaqstandyqtar Resei Federatsiiasyna sol elde jaqyn týystary (jubaiy, ata-anasy, balalar, asyrap alýshylary, asyrap alǵan balalary) bolǵan kezde tiisti qujattaryn kórsetý arqyly kire alady», - delingen Qazaqstannyń Reseidegi Elshiliginiń resmi saitynda jariialanǵan aqparatta.
Sonymen qatar Qazaqstan azamattary Resei aýmaǵyna jaqyn týǵan-týystary qaitys bolǵan jaǵdaida tiisti qujattaryn (qaza bolǵany týraly kýáliktiń nemese anyqtamanyń kóshirmesi, týystyǵyn dáleldeitin qujat) kórsetý arqyly kirýine múmkindigi bar.
Munan bólek, Reseide turyp jatqan azamattyń qamqorshysy nemese janashyry sanalatyn qazaqstandyqtar da tiisti qujatyn kórsetý arqyly kórshi elge óte alady.
Atap ótilgendei, tranzittik áýe jolaýshylary RF-ge kire alady. Biraq, shekara aimaǵynan shyǵa almaidy.
Sondai-aq Qazaqstannyń Reseidegi Elshiligi koronavirýsqa bailanysty shuǵyl jeli ashty. QR-dyń konsýldyq mekemeleriniń telefon nómirleri: Máskeýde - 8-925-897-71-14; Sankt-Peterborda – 8-921-188-90-60, Qazanda – 8-905-020-30-42, Ombyda – 8-968-100-73-03, 8-968-100-73-06 jáne Astrahanda 8-927-562-0042, 8-927-562-00-45.
«Joǵaryda atalǵan telefon nómirleri koronavirýs jaǵdaiyna bailanysty ǵana keńes berýge arnalǵandyǵyna nazar aýdartamyz. Konsýldyq máseleler boiynsha @Consularkz_bot telegram-botyna nemese kazembassyru@gmail.com poshtasyna habarlasýlaryńyzdy ótnemiz. Reseidiń joǵary oqý oryndarynda bilim alyp jatqan qazaqstandyq stýdentter úshin qaýyrt jeli telefony mynalar: +7 977 287 85 46, +7 926 777 40 44, +7 906 764 74 06, +7 926 800-58-77, +7 999 113 53 95», - delingen jariialanǵan aqparatta.
