Iri saýda nysandaryna azamattar maskamen ǵana kirgiziletin boldy. Bul týraly búgin Ortalyq kommýnikatsiialar qyzmetindegi brifingte QR Saýda jáne integratsiia ministri Baqyt Sultanov aitty, dep habarlaidy "Ult aqparat".
«Iri saýda nysandary mynadai talaptardy saqtaýy tiis: óz aýmaqtaryna kelýshilerdi tek maskamen ǵana jiberýleri tiis. Kelýshilerde maska bolmasa tegin maska usynyp, koronavirýstyń aldyn alý boiynsha jadynama taratýlary qajet. Barlyq kirip-shyǵatyn esikterge teplovizorlar ornatýlary kerek», - dedi Baqyt Sultanov.
Onyń atap ótýinshe, iri saýda nysandary, onyń ishinde azyq-túlik bazarlary saǵat 10-nan 18-ge deiin, azyq-túlik emes taýarlar satatyn bazarlar saǵat 11-den 17-ge deiin jumys isteidi.
