2019 jyldyń toǵyz aiynda Qazaqstanda 400 mlrd teńgeden astam soma elektrondyq aqsha aýdarý júieleri arqyly ótti. Bul týraly QR Ulttyq bankinen málim etti, dep habarlaidy "Ult aqparat".
2019 jylǵy toǵyz aida elektrondyq aqsha júieleriniń emitentteri 436,4 mlrd teńge somaǵa elektrondyq aqsha shyǵardy, bul ótken jylǵy derekterden 13,5% asady.
«Qazaqstannyń elektrondyq aqsha júieleri arqyly 443,5 mlrd teńge somaǵa 117 mln tranzaktsiia jasaldy. 2018 jylǵy osyndai kezeńmen salystyrǵanda júrgizilgen operatsiialar sany 25% artty. Bul kórsetkishterge jeke tulǵalar arasyndaǵy aýdarym operatsiialary jáne zańdy tulǵalar men jeke kásipkerlerdiń paidasyna taýarlar men qyzmetterge aqy tóleý kiredi», - dep habarlady QR Ulttyq banki Tólem júieleri departamentiniń direktory Erlan Ashyqbekov.
Qazaqstan naryǵynda 22 elektrondyq aqsha júiesi jumys isteidi. Olardyń emitentteri 10 bank pen «Qazposhta» AQ bolyp tabylady. 2019 jyly 5 jańa elektrondyq aqsha júiesi jumys istei bastady: «Senim», «AlmaPay», «Onay Pay», «One Click» jáne «QAZEVROMOBAIL».
Qazaqstanda elektrondyq aqsha internet-kommertsiiaǵa, kommýnaldyq qyzmetterge, uialy bailanysqa, kreditter óteýge jáne taǵy basqasyna aqy tóleý úshin paidalanylady.
