Elimizdiń álemdik ekonomika jáne saiasat institýty Britaniianyń birqatar institýttarymen kelissóz jasady, dep habarlaidy "Ult aqparat" institýttyń baspasóz qyzmetine silteme jasap.
Institýt basshysy Erjan Saltybaev Londonda aldyńǵy qatarly taldaý ortalyqtarynyń sarapshylarymen birneshe kezdesý ótkizdi. Atap aitqanda, Britaniianyń halyqaralyq qarym-qatynas salasyndaǵy Chatham House uiymy, Birikken Koroldiktiń qorǵanys zertteý institýty (RUSI - Royal United Services Institute for Defence and Security Studies), Halyqaralyq strategiialyq zertteýler institýty (The International Institute for Strategic Studies), Wilton Park keńsesine qarasty atqarý agenttigi jáne Edinbýrg gertsogy bilim qorymen kelissóz júrgizildi.
«Qazaqstan Britaniia úshin Ortalyq Aziiadaǵy eń iri geosaiasi áriptes retinde mańyzdy. Eki el basshylarynyń dostyq qarym-qatynasynyń nátijesinde búginde halyqaralyq saiasattyń túrli aspektilerin taldaý salasyndaǵy ekijaqty áreket keńeiýde», - dedi QR Tuńǵysh Prezidenti qoryna qarasty Álemdik ekonomika jáne saiasat institýtynyń direktory Erjan Saltybaev.
Kezdesý nátijesinde ǵylymi-taldaý salasyndaǵy birikken yntymaqtastyq sharalardy uiymdastyrý týraly qujattarǵa qol qoiyldy. Sonymen qatar, qazaqstandyqtar úshin Edinbýrg gertsogy qorynyń bilim syiaqysyna qatysý týraly kelisim sóz boldy.
Aita ketsek, QR Tuńǵysh Prezidenti - Elbasy qorynyń Álemdik ekonomika jáne saiasat institýty (ÁESI) 2003 jyly qurylǵan. ÁESI qyzmeti álemdik ekonomika, halyqaralyq qatynastar, geosaiasat, qaýipsizdik jáne QR Tuńǵysh Prezidentiniń qyzmetin jáne onyń Qazaqstandy táýelsiz memleket retinde qurýdaǵy jáne nyǵaitýdaǵy jáne jahandyq beibitshilik dialogyn ilgeriletýdegi úlesin zertteýge baǵyttalǵan.
