«Reseide esepke qoiylǵan mashinalardyń ielerine Qazaqstan Respýblikasynyń aýmaǵynda bas senimhatsyz júrýge tyiym salynady». Qazaqstandyqtar áleýmettik jelide QR Bas prokýratýrasy qujatynyń skrin-fotosyn taratýda. Alaida atalmysh vedomstvo bul aqparatty joqqa shyǵardy, dep habarlaidy "Ult aqparat" stopfake.kz saityna silteme jasap.
«Jelide Qazaqstan Respýblikasy Bas prokýrorynyń bas senimhatsyz reseilik avtokólikti basqarýǵa tyiym salý týraly qaýlysy týraly aqparat taratylýda. Bul aqparat shyndyqqa janaspaitynyn habarlaimyz. Bas prokýror bekitken quqyqtyq aktilerdiń mátinderi resmi saitta jariialanǵan. Arandatýshylyqqa boi aldyrmaýdy jáne tek resmi derekkózderge senýdi suraimyz», – delingen QR Bas prokýratýrasynyń resmi málimetinde.
Feik fotosýretke muqiiat qaraǵanda, onda orta mekteptiń móri qoiylǵanyn baiqaýǵa bolady. Sondai-aq, mátinde qujattyń QR IIM resmi saitynda jariialanǵany aitylǵan, biraq is júzinde saitta ondai habarlama joq.
Feikti jasaǵan adam negizge alyp otyrǵan «Ákimshilik rásimder týraly» zańda 60-bap joq – olardyń sany 25 qana.
Sondai-aq, feik mátininde grammatikalyq jáne stilistikalyq qateler kóp.
