Foto: iStockEndi sheteldik nómirli kóligin zańdastyrýǵa úlgermegen júrgizýshiler jalpy sharttar boiynsha tirkelýi kerek, - dep habarlaidy "Ult aqparat" IIM baspasóz qyzmetine silteme jasap.
"Memleket basshysynyń tapsyrmasyna sáikes, múddeli memlekettik organdarmen birge Qazaqstan Respýblikasyna 2022 jyldyń 1 qyrkúiegine deiin ákelingen sheteldik kólik quraldaryn zańdastyrý júrgizildi.
Zańdastyrý sheńberinde barlyǵy 304 myńnan astam avtokólik qazaqstandyq esepke alyndy, onyń ishinde 21 myń avtokonstrýktor jáne 55 myń avtokólik ýaqytsha esepke tirkeldi.
Zańdystyrý ótpegen sheteldik avtokólikterge qatysty: olar tehnikalyq jáne ekologiialyq talaptarǵa sáikes kelgen jaǵdaida kózdelgen barlyq tólemdi tóleýmen tirkeýge jatady" - delingen habarlamada.
Sondai-aq vedomstvo avtokólik ielerine belgilengen tártipte tirkelmegen avtokólikterdi paidalaný úshin ákimshilik jaýapkershilik qarastyrylatynyn eske saldy.
Aita keteiik, Qazaqstanda sheteldik kólikterdi zańdastyrý byltyrǵy qańtarda bastalǵan. Ótinishter shildege deiin qabyldanyp, 2023 jyldyń aiaǵyna deiin qaraldy. Osy ýaqyt ishinde kólik ieleri 200 myń teńge ýtilalym jáne tirkeý somasyn tólep, kólikterin tirkei aldy. Politseiler 2022 jyldyń 1 qyrkúiegine deiin elimizge ákelingen kólikterdi tirkedi.
IIM aktsiianyń bir rettik shara ekenin, zańdastyrý merzimin uzartý josparda joq ekenin basa aitty.
