Bolgariianyń Sofiia qalasynda ótken kúres túrlerinen kadetter arasyndaǵy Álem chempionatynda qazaqstandyq balýan Samatbek Izimǵali jeńimpaz atandy, dep habarlaidy "Ult aqparat".
Grek-rim kúresinen 45 keli salmaqta el namysyn qorǵaǵan jas balýan finalda ózbek sportshysy Asadbek Bahramovty 4:0 esebimen bir minýtqa jetkizbei jeńdi.
Ol alǵashqy ainalymda kadetter arasynda Eýropa chempiony Farid Sadihlidi 15:4 esebimen jarys jolynan taidyrsa, odan keiin Úndistan, Iran jáne Ózbekstan balýandaryn aiqyn basymdyqpen utty.
Aita keteiik, Samatbek Izimǵali 4-7 shilde aralyǵynda Nur-Sultan qalasynda ótken Aziia chempionatynda da bas júldeni enshilep, chempion atanǵan bolatyn. Mine, araǵa týra bir ai salyp, álem chempiony ataǵyna qol jetkizdi.
Erkin, grek-rim jáne áielder arasyndaǵy kúresten Álem chempionaty Bolgariia astanasynda 29 shilde – 4 tamyz aralyǵynda ótti. Onda 18 jasqa deiingi er balalar men qyzdar ár kúres túrinen 10 medal jiyntyǵyn sarapqa saldy.
