Zertteý jumystaryn júrgizý úshin aq tyshqandardan bastap makaka maimylyna deiin satyp alyndy. Bul jaily Ortalyq kommýnikatsiialar qyzmetinde ótken «Qazcovid-in qazaqstandyq vaktsinasy týraly» brifingide aityldy, dep habarlaidy QazAqparat.
«Byltyr koronavirýsqa qarsy 5 vaktsina shyǵarýǵa 1,5 mlrd teńge bólindi. Ár vaktsinaǵa osynsha bólindi dep aita almaimyz, sebebi bul birtutas baǵdarlama. 5 vaktsinany da Biologiialyq qaýipsizdik problemalary ǵylymi-zertteý institýty daiyndap jatyr», - dedi QR BǴM ǵylym komitetiniń tóraiymy Janna Qurmanǵalieva.
Onyń aitýynsha, 1,5 mlrd teńgege aldymen qajetti reagentter satyp alyndy.
«Sondai-aq, zertteý jumystaryn júrgizý úshin aq tyshqandardan bastap makaka maimylyna deiin satyp alyndy, sebebi bizde osylai zertteý jumysyn júrgizýge arnalǵan janýarlardy ósiretin arnaiy oryndar joq. Vaktsinaǵa kerekti birde bir reagent elimizde óndirilmeidi, sondyqtan shetelden satyp alyndy. Reagentter óndiretin uiymdar álem boiynsha kóp emes. Búkil álemdegi ǵylymi uiymdar reagent óndiretin uiymdarǵa kezekke turady. 1,5 mlrd teńgeniń ishine ǵalymdardyń jalaqysy da kiredi, sonymen qatar zertteý jumysyna qajetti basqa da zattar satyp alyndy. Kerekti qurylǵylarǵa 800 mln teńgeden astam qarajat bólindi. Olar basqa biýdjettik baǵdarlama boiynsha satyp alyndy», - dep atap ótti Janna Qurmanǵalieva.
