Ortalyq kommýnikatsiialar qyzmetinde ótken «Qazcovid-in qazaqstandyq vaktsinasy týraly» brifingide Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria qazaqstandyq vaktsina qazir qai jerde óndirilip jatqanyn aitty, dep habarlaidy QazAqparat.
«QazCovid-in vaktsinasy qazirgi ýaqytta Biologiialyq qaýipsizdik problemalary ǵylymi-zertteý institýtynda óndirilip jatyr. Vaktsina óndiretin qurylǵyny QR Bilim jáne ǵylym ministrligi satyp alyp bergen», - deidi Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria.
Onyń aitýynsha, bul qurylǵysyz atalǵan vaktsinany óndirý múmkin bolmas edi.
«Óndiris kólemi boiynsha «SQ-Farmatsiiamen» kelisim jasadyq. Ol 50 myńnan bastalyp, birtindep aiyna 500 myń dozaǵa deiin ósedi. Alǵashqy 50 000 doza sáýir aiynyń sońynda shyǵarylady», - dep atap ótti ol.
