Áielder tennisi qaýymdastyǵy (WTA) rýmyniialyq Simona Halep pen qazaqstandyq Elena Rybakina arasynda ótken oiyndy 2020 jyldyń úzdik matchy dep tanydy, dep habarlaidy "Ult aqparat".
Budan buryn habarlanǵandai, Dýbai týrniriniń finalynda dúniejúzilik reitingte 19-orynda turǵan E.Rybakina álemniń 2-raketkasy Simona Halepke jol bergen bolatyn.
Biylǵy 22 aqpanda asa tartysty ótken kezdesýde Qazaqstannyń birinshi raketkasy E.Rybakina kezinde reitingte kósh bastaǵan 2019 jylǵy Ýimbldon týrniriniń jeńimpazy S.Halepti birinshi sette 6:3 esebimen utty. Ekinshisinde Simona dál sondai eseppen ese qaiyrdy.
Úshinshi, sheshýshi partiia tai-breikke deiin jetip, onda S.Halep 7:6 (7:5) esebimen jeńiske jetti. Bul onyń sporttyq jolyndaǵy 20-synshy titýly edi.
Osylaisha 2 saǵat 27 minýtqa sozylǵan oiynda E.Rybakina álemniń eń tańdaýly tennisshileriniń birimen terezesi teń óner kórsetken edi.
Jyldyń úzdik matchy ataǵyna sondai-aq Leksingtonda amerikalyqtar Serena men Vinýs Ýiliams, Ostravada Belarýs ókili Arina Sobolenko men taǵy bir amerikalyq Kori Gaýff, Tsinninnatide japoniialyq Naomi Osaka men estoniialyq Anett Kontaveit arasynda ótken oiyndar da usynyldy.
Elena Rybakina 2020 jyldyń qorytyndysy boiynsha eis sany jóninen álemdegi úzdikter kóshin bastady. Ol ótip bara jatqan jylda 193 ret eis jasaǵan eken. Ataqty S.Ýilms (178) ekinshi, A.Sobolenko (165) úshinshi orynda.
Rybakina — 193;
Serena Ýiliams — 178;
Sobolenko — 165;
Garbine Mýgýrýsa — 160;
Djennifer Bredi — 149;
Sakkari — 144;
Mertens — 144;
Naomi Osaka — 141;
Karolina Plishkova — 137;
Ons Jaber — 126.
