ەيەلدەر تەننيسٸ قاۋىمداستىعى (WTA) رۋمىنييالىق سيمونا حالەپ پەن قازاقستاندىق ەلەنا رىباكينا اراسىندا ٶتكەن ويىندى 2020 جىلدىڭ ٷزدٸك ماتچى دەپ تانىدى, دەپ حابارلايدى "ۇلت اقپارات".
بۇدان بۇرىن حابارلانعانداي, دۋباي تۋرنيرٸنٸڭ فينالىندا دٷنيەجٷزٸلٸك رەيتينگتە 19-ورىندا تۇرعان ە.رىباكينا ەلەمنٸڭ 2-راكەتكاسى سيمونا حالەپكە جول بەرگەن بولاتىن.
بيىلعى 22 اقپاندا اسا تارتىستى ٶتكەن كەزدەسۋدە قازاقستاننىڭ بٸرٸنشٸ راكەتكاسى ە.رىباكينا كەزٸندە رەيتينگتە كٶش باستاعان 2019 جىلعى ۋيمبلدون تۋرنيرٸنٸڭ جەڭٸمپازى س.حالەپتٸ بٸرٸنشٸ سەتتە 6:3 ەسەبٸمەن ۇتتى. ەكٸنشٸسٸندە سيمونا دەل سونداي ەسەپپەن ەسە قايىردى.
ٷشٸنشٸ, شەشۋشٸ پارتييا تاي-برەيككە دەيٸن جەتٸپ, وندا س.حالەپ 7:6 (7:5) ەسەبٸمەن جەڭٸسكە جەتتٸ. بۇل ونىڭ سپورتتىق جولىنداعى 20-سىنشى تيتۋلى ەدٸ.
وسىلايشا 2 ساعات 27 مينۋتقا سوزىلعان ويىندا ە.رىباكينا ەلەمنٸڭ ەڭ تاڭداۋلى تەننيسشٸلەرٸنٸڭ بٸرٸمەن تەرەزەسٸ تەڭ ٶنەر كٶرسەتكەن ەدٸ.
جىلدىڭ ٷزدٸك ماتچى اتاعىنا سونداي-اق لەكسينگتوندا امەريكالىقتار سەرەنا مەن ۆينۋس ۋيليامس, وستراۆادا بەلارۋس ٶكٸلٸ ارينا سوبولەنكو مەن تاعى بٸر امەريكالىق كوري گاۋفف, تسيننينناتيدە جاپونييالىق ناومي وساكا مەن ەستونييالىق انەتت كونتاۆەيت اراسىندا ٶتكەن ويىندار دا ۇسىنىلدى.
ەلەنا رىباكينا 2020 جىلدىڭ قورىتىندىسى بويىنشا ەيس سانى جٶنٸنەن ەلەمدەگٸ ٷزدٸكتەر كٶشٸن باستادى. ول ٶتٸپ بارا جاتقان جىلدا 193 رەت ەيس جاساعان ەكەن. اتاقتى س.ۋيلمس (178) ەكٸنشٸ, ا.سوبولەنكو (165) ٷشٸنشٸ ورىندا.
رىباكينا — 193;
سەرەنا ۋيليامس — 178;
سوبولەنكو — 165;
گاربينە مۋگۋرۋسا — 160;
دجەننيفەر برەدي — 149;
ساككاري — 144;
مەرتەنس — 144;
ناومي وساكا — 141;
كارولينا پليشكوۆا — 137;
ونس جابەر — 126.
