Qazaqstannyń birinshi, álemniń 56-raketkasy Aleksandr Býblik Gambýrg ATP týrniriniń shirek finalyna ótti, dep habarlaidy "Ult aqparat".
Qazaqstandyq tennisshi ekinshi ainalymda álemniń 21-raketkasy, 20 jastaǵy kanadalyq Feliks Oje-Aliassimmen kúsh synasty.
Birinshi partiiada kanadalyq tennisshi 3:1 esebimen alǵa shyqty. Degenmen A.Býblik tarazy basyn teńestirip qana qoimai, setti óz paidasyna jaza aldy – 6:4.
Ekinshi partiiada qazaqstandyq sportshy birden alǵa ketti – 3:1. Sodan keiin taǵy bir breik jasap, matchqa dop bergende, múmkindigin jibergen joq – 6:2.
Báseke 1 saǵat 17 minýtqa sozyldy.
Match barysynda kanadalyq tennisshi qatelikke jii boi aldyrsa, Aleksandr tamasha oinap, mańyzdy jeńiske qol jetkizdi.
A.Býblik júlde qory 1,2 mln eýrodan asatyn dodanyń jartylai finalyna shyǵý úshin álemniń 22-raketkasy, chililik Kristian Garinmen talasady. Ol ekinshi ainalymda reitingte 102-satydaǵy germaniialyq Iannik Hanfmandy 6:2, 7:6 (7:3) esebimen utty.
