قازاقستاننىڭ بٸرٸنشٸ, ەلەمنٸڭ 56-راكەتكاسى الەكساندر بۋبليك گامبۋرگ ATP تۋرنيرٸنٸڭ شيرەك فينالىنا ٶتتٸ, دەپ حابارلايدى "ۇلت اقپارات".
قازاقستاندىق تەننيسشٸ ەكٸنشٸ اينالىمدا ەلەمنٸڭ 21-راكەتكاسى, 20 جاستاعى كانادالىق فەليكس وجە-الياسسيممەن كٷش سىناستى.
بٸرٸنشٸ پارتييادا كانادالىق تەننيسشٸ 3:1 ەسەبٸمەن العا شىقتى. دەگەنمەن ا.بۋبليك تارازى باسىن تەڭەستٸرٸپ قانا قويماي, سەتتٸ ٶز پايداسىنا جازا الدى – 6:4.
ەكٸنشٸ پارتييادا قازاقستاندىق سپورتشى بٸردەن العا كەتتٸ – 3:1. سودان كەيٸن تاعى بٸر برەيك جاساپ, ماتچقا دوپ بەرگەندە, مٷمكٸندٸگٸن جٸبەرگەن جوق – 6:2.
بەسەكە 1 ساعات 17 مينۋتقا سوزىلدى.
ماتچ بارىسىندا كانادالىق تەننيسشٸ قاتەلٸككە جيٸ بوي الدىرسا, الەكساندر تاماشا ويناپ, ماڭىزدى جەڭٸسكە قول جەتكٸزدٸ.
ا.بۋبليك جٷلدە قورى 1,2 ملن ەۋرودان اساتىن دودانىڭ جارتىلاي فينالىنا شىعۋ ٷشٸن ەلەمنٸڭ 22-راكەتكاسى, چيليلٸك كريستيان گارينمەن تالاسادى. ول ەكٸنشٸ اينالىمدا رەيتينگتە 102-ساتىداعى گەرمانييالىق ياننيك حانفماندى 6:2, 7:6 (7:3) ەسەبٸمەن ۇتتى.
