Qazaqstandyq tennisshi Iýliia Pýtintseva jańartylǵan WTA reitingisinde 27-orynda kóterildi, dep habarlaidy "Ult aqparat".
Osyǵan deiin US Open, sodan keiin Rim týrniriniń shirek finalyna shyqqan Pýtintseva úsh satyǵa joǵarylap, óziniń 2017 jylǵy úzdik kórsetkishin qaitalady.
Qazaqstannyń birinshi raketkasy Elena Rybakina burynǵy 18-ornynda qalsa, Zarina Diias 72-den 76-ǵa syrǵydy.
Reiting kóshin aýstraliialyq Eshli Barti bastasa, rýmyniialyq Simona Halep ekinshi, japoniialyq Naomi Osaka úshinshi orynda keledi.
Erler arasynda ATP reitingisin serbiialyq Novak Djokovich bastasa, ispaniialyq Rafael Nadal ekinshi, aýstriialyq Dominik Tim úshinshi satyda tur.
Qazaqstannyń birinshi raketkasy Aleksandr Býblik óziniń 56-ornyn saqtap qalsa, Mihail Kýkýshkin 86-dan 87-ge, Dmitrii Popko 168-den 170-ge tómendedi.
Qazaqstandyq tennisshiler Eýropada ótip jatqan jarystarda, ásirese, aldaǵy Rolan Garros (Frantsiia ashyq chempionaty) dodasynda tabysty óner kórsetse, reitingilerin jaqsarta alady.
