قازاقستاندىق تەننيسشٸ يۋلييا پۋتينتسەۆا جاڭارتىلعان WTA رەيتينگٸسٸندە 27-ورىندا كٶتەرٸلدٸ, دەپ حابارلايدى "ۇلت اقپارات".
وسىعان دەيٸن US Open, سودان كەيٸن ريم تۋرنيرٸنٸڭ شيرەك فينالىنا شىققان پۋتينتسەۆا ٷش ساتىعا جوعارىلاپ, ٶزٸنٸڭ 2017 جىلعى ٷزدٸك كٶرسەتكٸشٸن قايتالادى.
قازاقستاننىڭ بٸرٸنشٸ راكەتكاسى ەلەنا رىباكينا بۇرىنعى 18-ورنىندا قالسا, زارينا ديياس 72-دەن 76-عا سىرعىدى.
رەيتينگ كٶشٸن اۋسترالييالىق ەشلي بارتي باستاسا, رۋمىنييالىق سيمونا حالەپ ەكٸنشٸ, جاپونييالىق ناومي وساكا ٷشٸنشٸ ورىندا كەلەدٸ.
ەرلەر اراسىندا ATP رەيتينگٸسٸن سەربييالىق نوۆاك دجوكوۆيچ باستاسا, يسپانييالىق رافاەل نادال ەكٸنشٸ, اۋسترييالىق دومينيك تيم ٷشٸنشٸ ساتىدا تۇر.
قازاقستاننىڭ بٸرٸنشٸ راكەتكاسى الەكساندر بۋبليك ٶزٸنٸڭ 56-ورنىن ساقتاپ قالسا, ميحايل كۋكۋشكين 86-دان 87-گە, دميتريي پوپكو 168-دەن 170-گە تٶمەندەدٸ.
قازاقستاندىق تەننيسشٸلەر ەۋروپادا ٶتٸپ جاتقان جارىستاردا, ەسٸرەسە, الداعى رولان گارروس (فرانتسييا اشىق چەمپيوناتى) دوداسىندا تابىستى ٶنەر كٶرسەتسە, رەيتينگٸلەرٸن جاقسارتا الادى.
