Qazaqstandyq boksshy Dmitrii Ahtsiger kásibi mansabyndaǵy birinshi aiqasyn ótkizdi, dep habarlaidy Sports.kz.
Ol Kartahenadaǵy (Kolýmbiia) boks keshi aiasynda óner kórsetti. Tórt raýndqa sozylǵan sýper aýyr salmaqtaǵy aiqasta 21 jastaǵy qazaqstandyq kolýmbiialyq Haime Torrespen judyryqtasty. Bul onyń da kásibi bokstaǵy debiýti. Ahtsiger birinshi raýndta, aiqastyń 115-shi sekýndynda tehnikalyq nokaýtpen jeńdi. Osylaisha, Dmitrii kásibi mansabyndaǵy jolyn sátti bastasa, Torres birinshi ret jeńildi.
