Ulybritaniiada Eýraziialyq Shyǵarmashylyq Gildiia kinofestivalinde qazaqstandyq avtor Záýre Tórehanovanyń «Jibek qurtynyń uiasy» shyǵarmasy «Úzdik stsenarii» atalymy boiynsha úzdik dep tanyldy. Onyń eńbegin qazylar alqasy fentezi janryndaǵy biregei týyndy retinde baǵalaǵan, dep habarlaidy "Ult aqparat".
Záýre Tórehanova – balalar jazýshysy, stsenarist. Banktegi qyzmetin tastap, shyǵarmashylyqpen ainalysqanyna kóp ýaqyt bola qoimaǵan.
Sonyń ózinde birneshe qazaqstandyq ádebi baiqaýlar men syilyqtardyń laýreaty atanyp úlgerdi. Endi mine Záýre halyqaralyq deńgeide tanylyp otyr. Pandemiianyń kesirinen ol, ókinishke qarai, marapattaý rásimine qatysa almady. Qazylar alqasy músheleriniń aitýynsha, oqiǵa órbigen stsenarii siýjetinde syiqyrly álem keiipkerleriniń obrazdary ǵajap sýrettelgen.
«Stsenarii - biregeiligimen tań qaldyrady. Ol óte jan-jaqty jazylǵan.
Óte keremet. Ekinshiden, shyǵarma fentezi janrynda búge-shúgesin qaldyrmai, jan-jaqty sýrettelýimen erekshelenedi. Mundaidy sirek kezdestiresiń», deidi qazylar alqasynyń múshesi Spenser Hoýken.
Qazaqstandyq rejisserler men stsenaristerdiń taǵy 3 eńbegi festivaldiń finalisi atandy.
Aita ketý kerek, Eýraziialyq Shyǵarmashylyq Gildiia kinofestivali - Eýraziialyq kinematografiianyń aǵylshyn tildi keńistikte taralýyna sebepshi bolyp júrgen az sharalardyń biri. Ol britaniialyq bedeldi Romford Film Festival kinofestivalimen yntymaqtastyqta ótkizilip keledi. Biyl pandemiiaǵa qaramastan uiymdastyrýshylar sharany onlain emes dástúrli formatta ótkizip otyr. London kinoteatrynda 200-den astam jumys aǵylshyn tilinde derekti, kórkem, qysqametrajdy kino, animatsiialyq film jáne basqa da janrlarda kórsetildi. Qazaqstannan bólek, baiqaýǵa Belarýs, Italiia, Resei, Ulybritaniia, Izrail, Katar, Grýziia, Kanada jáne Finliandiia elderiniń ókilderi qatysty.
